我們使用Cookie或其他類似技術來改善使用者的閱讀體驗。如想了解更多請到這裡>。如果接受請點確認按鈕進入網站。
活動完走ヽ( ° ▽°)ノ
《Red Dead Redemption 2》我唸都唔洗多介紹啦,今次講下少少小編玩既感想同進度啦。老實講,小編其實係慢性享受遊戲果種人,所以唔會特別衝劇情故事之類,所以玩左成個星期其實只係第二章。死亡之眼都只係岩岩開放手動模式,非常慢...(´・_・`)
唔知有無人好似我咁奇怪,其實小編沉迷左呢隻 GAME既打獵系統,遊戲收錄過百種唔同既野生動物,樣樣都獵得,雖然大部分都只係用黎賣錢,不過本作既圖鑑收集元素令到小編不知不覺就周圍研究同狩獵野生動物。其實玩得咁慢就係因為趕趕下路又去追動物(。ŏ_ŏ)....
不得不讚 R星將打擊感做得好好,除左射人之外,射殺動物既擊中感覺都好好(小編唔係虐待動物既人士 Σ(°Д°;),同埋傳說動物既設定都令打獵部分更加有趣,有時都懷疑自己玩緊西部黑幫GAME定玩緊打獵模擬GAME,可能因為小編打機真係有收集同埋獎盃強迫症。
另一點覺得做得唔錯既係槍戰時既畫面CUT IN,有啲人可能覺得呢個系統幾麻煩,成日槍戰緊彈個射擊畫面出黎,搞到槍戰部分唔夠流暢。不過我又咁唸,《Red Dead Redemption 2》唔係一隻槍GAME,比起槍戰元素佢更著重主角既戲劇性故事同開放世界自由玩法,所以槍戰既慢動作CUT IN的確增加左遊戲既戲劇感,而且佢做到岩岩好,唔係每殺一個都彈出黎令人煩躁。
小編大概既進度就係咁,應該大把人玩得快過我,多謝大家浪費時間睇小編既廢噏文,下期繼續講無內容廢話。d(`・∀・)b
如月冰
Gameapps.hk 小編,重度打機、動漫迷+聲優宅,較鐘意睇萌系、輕鬆、百合番,手機、電腦、PS4遊戲都有涉獵,主玩《FGO》、《少女前線》、《MLTD》、《公主連結R》。